هذي هي الدنيا

لا خير بالدنيا ومن يرتهي بها
لابد ترجع للرا عقب طيبها

لو ساعدت وياك يوم من الدهر
تصير من عقب الصداقة حريبها

ولو عطت أيام من حلو درها
لابد من يوم ترجع حليبها

لا تقول لي معها معرفة وصحبة
أكثر بلاويها تفاجي صحيبها

هذي هي الدنيا ويكفيكم اسمها
مواعظ قدامنا نكتفي بها

لا ممل فيها ولا واثق بها
واظنها ما تختلف هقوتي بها

كم لاعت الأيام من كان قبلنا
ذلت معزة قوم واخلت شعيبها

كل من الأيام يشكي مصايبه
كم لوعت نفس بفرقى قريبها

مهما تكون الناس زانت حياتها
من لوعة الأيام تاخذ نصيبها

كم واحد فيها بخير ونعمة
تاتيه غارات الدهر ما دري بها

حافظ على نعمتك واحذر زوالها
سود الليالي ما تعلم بغيبها

إن اقبلت ديناك زين قبولها
وإن دبرت على العدا يندعي بها

اليوم عيني ما تباخل بدمعها
ومن أول ما كل شي يجيبها

تبكي على قوم تقافت رحالها
معاذ نرجي شوفها من مغيبها

هذي منازلها وهذي ديارها
وعدودها ما عاد يشرب قليبها

يا عونة الله وين هاك الرفاقه
ما حسب دورات الزمان تغدي بها

نفس غدت الايام باخيار قومها
لو كان ترفع صوتها من يثيبها

كم فرقت قوم وهدت بيوتهم
ناس تذري كل من يلتجي بها

أهل مظاهير وهجن أصايل
وخيل على الركاب يضفي سبيبها

بكيت والنفس الحزينه تأثرت
وكم قبلها عين تزايد نحيبها

لو أن كثر الدمع يرجع بمن غدى
بكيت ليت العين يرجع حبيبها

لـ عامر بن نوطان

ابوخالد ,أمير الذوق ,سعيدالمالكي معجبون بهذا

شكراً جزيلاً لموضوعك يا ابوسعود...
دائما متميز في الانتقاء
سلمت على روعه طرحك
ربي يعطيك ألــــــف عـآفيه
الله يسعد قلبك يآرب
دمت بخير

اختيااار جمييييييييييييل

يعطيك العافية

تحياتي

سَلمتِ علىَ هذهِ الآطَروحهَ الآنيقَهَ
وَسَلِمتَ يُمنَآك المُخمليِهَ لِ جلبهآ المُتميز
جَزيَلِ شُكِريَ

تسلم يمينك وذوقك الشاعري

في سطورك نطق كل تميز و ابداع
لك ذائقه منفرده على عرش الجمال الحرفي.
احترامي لك بحجم الكون

ذووووق راقي

واختيار موفق

سلمت ودمت