ماذا تقول للي في بالك...!!!

اغليـه ويـغليني ونـعشق بـعضنا
وان قال احـبك قلت كلك عشقتك
وان غـاب واحد في رسالـة كتبنا
اشتقتلك وش فيك ويـنك فـقدتك

في طلتك تزهر مداين حنيني
وتنبت على جال التعب زهرة الشوق
حلفت لك وحدك براحة يميني
والناس باليسرى على ذمة الذوق

ياليت لي مقدره والله لقول لك تم
لوكان تبغي عيوني لك نُخرّجها

بعد المسافه سبايب ليلنا المُعٍتم
دروبنا يابعد روحي معرُجها

ياطيب الفال لاتزعل ولاتهتم
إصبر وانا أصبر لعل الله يفرجها

ابوخالد

إن كان ودك تجي ؟ وإن كان ودك تروح
ما عاد عندي بعد كلمة ( أحبك ) كلام

سلامي سلام الشوق والود في مبداه
ويقفاه قاف الشعِر منظوم في حِلهُ

على الصاحِب إللي كل مامرني طرياه
أغني له أبيات الشعِر وانتقي جله

وليفٍ ملك روحي وعايش على ذكراه
خذا ألقلب من بين المعاليق واحتله

ولجله كتبت أبيات شعري عسى يقراه
واقل يمكن إن الخِل يرجع على خله

أبو/خالد

ماني بمتحسف ولابك حسايـف
مقرود حظك وأنت ياشين مقرود

مادام صاحبت الرخوم العجايف
خلك بعيد وصحبتك مابها فود

رقمك حذفته من قروب الولايف
وباب الموده بيننا اليوم مسدود

فارق وجعلك ياالردي ل الذلايف
وإن راح مثلك قلت ياعساه ما يعود

ابو/خالد

لا تحسب ان السالفه شُرب براد
سكر وشاهي يتبعه دلة الكيف

في مجلساً ل الضحك موعد وميراد
وسوالف الوأتس آب ياحيف ياحيف

قال لي وقلت وهرجهم مابه أوكاد
كذب وخلافه كلها زيف في زيف

السالفه خُذ بين ألأجواد ميعاد
وأبعد عن آلانذال وأهل التخاريف

ابو/خالد

احبه محبة واحدً مايعرف يخون
لامنه سمع حس المفارق نزل دمعه

أنا لو ما تذكرتك غلا .. جاب الغلا طاريك
تعيش و تسلم لقلبٍ على كفّ الغلا شالك

أطالع وجهك المشرق أمل .. و عيوني تناديك
و أقول الله ثـم الله لا يحرمنـي وصالـك

أِسكَن بَـ عَينيْ جعَلْ هَـ الـروَح تفَداكْ

الرَوحْ فِي شَرع الهَوىْ تّنتَمِيْ لكْ