أهلاً وسهلاً  بكم في شبكة ومنتديات الوليف


عدد مرات النقر : 590
عدد  مرات الظهور : 7,378,849 
عدد مرات النقر : 2,036
عدد  مرات الظهور : 9,900,640 
عدد مرات النقر : 612
عدد  مرات الظهور : 7,393,580 
عدد مرات النقر : 55
عدد  مرات الظهور : 219,596

الإهداءات




الا يالله ياذا الملكوت

≈ .✿✿ديوان الشاعر/جندب المالكي✿✿✿


5 معجبون
إضافة رد
قديم منذ أسبوع واحد   #1
أبو عبدالرحمن


الصورة الرمزية جندب المالكي
جندب المالكي غير متواجد حالياً

بيانات اضافيه [ + ]
 رقم العضوية : 124
 تاريخ التسجيل :  Dec 2012
 أخر زيارة : منذ أسبوع واحد (03:10 PM)
 المشاركات : 4,684 [ + ]
 التقييم :  4448
 الدولهـ
Saudi Arabia
 الجنس ~
Male
 MMS ~
MMS ~
 SMS ~
سبحان الله
والحمد لله
ولا اله الا الله
والله اكبر ولا حول
ولا قوة الا بالله
 قـائـمـة الأوسـمـة
وسام مرور 6اعوام

لوني المفضل : Crimson
افتراضي الا يالله ياذا الملكوت











((((( النشيد )))))=
الا يالله ياذا الملكوت = وياذو العظمة والجبروت
اسالك وأنت سامع كل صوت= اسالك في دعايه والقنوت
بجنح الليل دعواتٍ خفية=
اسالك يامجيب وياقريب = تثبتني على هدي الحبيب
واسالك لدعواتي تستجيب= ويامولاي في اليوم العصيب
تنجّيني وتنجّي والدّية=
بعد هذا توحوا ياحظور = تماثيلاً كما ريح البخور
بدعها شاعرا دمه يفور = بدع قوله من احساس وشعور
مترجم بالحروف الابجدية=
يقول آبن جنيدب يوم هاض =تهيض خافقي والفكر ناض
بهازيجاً طويلاتاً عراض= كما اقوال شعراء سوق عكاظ
في إيام العصور الجاهلية=
جلست اصوغ عذبات الفنون= ومتخير لها زين اللحون
طروقاً تعجب اللي يسمعون= مسندها لحمران العيون
وانا ما بين بحري والجرية=
وغصت وعمت في بحرالهجوس=وخطيت الشعر فوق الطروس
مضمنها تجاريب ودروس =وفكري ياعزيزين النفوس
قدحها من زناد الشاعرية=
نسجها بث فكري نيسجان=كما لو كنت وسط المهرجان
وقدامي جماهير ولجان =وفي الميدان جنية وجان
يشلون الطروق السامرية=
ومن عادة جميع الشعراء=مديح اقوامهم والكبراء
وذكر اشيوخهم والامراء=وانا من واجبي وابلا مراء
مديح اهل الندا واهل الحمية=
فيا ناشد عن اولاد ابشرا = نمور الغاب وواسود الشرا
اهل تاريخ دايما ينشرا = ومجد امثومناً ومعوشرا
موثق والحقايق واقعية=
واذا قالوا قبيلة جايرة = تراها في مراح الغايرة
اجاويساً دماهم فايرة = واذا للحرب دارت دايرة
على الاخصام ظربتهم قوية=
ورايتنا ترفرف كل يوم = ونتفرع ليا عدة قسوم
شغاميماَ يضدون الخصوم = والا شنّوا على اعداهم هجوم
سقوهم كاس من حوض المنية=
نشكل جيش وبطون اربعة = وحنا الجود ونحن منبعه
وراس الخصم دايم نقبعه = وخطي واطبعي يا مطبعة
تواريخ الحرار الصيرمية=
كرام الاصل دعوى ايلا عمر= هل القالات وطوال العمر
رجالا للعدو موتاً حمر = لو الميدان بركان وجمر
ليا قامت وثارت كل هية=
رجاجيل المكارم والجميل = مومنة الجلاوي والدخيل
ولا فيهم ذليل ولا بخيل = وهذا القول مثبت بالدليل
بالايام التلي والاولية=
ودعوى ايلا براهيم النمور= لهم في كل ميقافاً حظور
واهل تكميل في كل الامور =واهل ووزعة واهل فزعة ودور
واهل نوماس وكفوفاً ندية=
اهل مذهب واهل منسب وكار = رجاجيل السماحة والوقار
هلاك الخصم وحماة الديار = وللاضياف اذا جوهم تدار
فناجيل الدلال الشاذلية =
وفي دعوى ايل مسلم ويش اقول = رجاجيلاً شغامياً زحول
كريمين العوايد والفعول = دهاة القول وثقال العقول
والا صعبت يحلون القضية=
وراس ام الحكك شيمة وطيب = مطانيخاً يعزون النسيب
هل الراي المسدد والمصيب = والا من هاش وتعدّا الحريب
بدوّله بالسيوف المشرفية=
وفي دعوى ايل هاشم ما يجوز = نقول الا العوارف والرموز
رجالا للوفاء دايم تحوز = وفي الظلماء مصابيح وشروز
رجالا يرفعون المعنوية=
ومهما قلت في مدح الكرام = فلا يمكن نصفهم بالكلام
هم حزام الذي ماله حزام = وسقم الخصم لا ثار العسام
ليا قاد الصفوف ابواردية=
ولا ننسى رجالاً في التهم = يشوش الراس من مقلوتهم
تسجل في الكتب قالاتهم = يهاب المعتدي حملاتهم
وهم ساس الاصول القاصدية=
في الدحلة وفي مرعة وحوش= يردون السرايا والجيوش
وللضيفان يدنون الكبوش= ولا ناوشهم الخصام نوش
يسوقونه كما سوق المطية=
قروماً قلتهم صنع انقليز= مقدم صفهم عبدالعزيز
سليل الطيب والبيت الحريز= بوقت الجد له قولاً وجيز
كما عد النقود المصرفية=
والاحرار ايل بالكف والنعم = اهل تاريخ يكتب بالقلم
يطون المعتدي وطي القدم= وبندقهم رجاجيل الكرم
يشوش الراس يوم اسمع دويه=
وتممتد السلالة والنسب= الى ابني مالك رجال الحسب
رجالاً ولدهم ما قد رسب = وللنوماس والعلياء كسب
وفعله بان يوم القادسية=
وارد القول في ربعي جميع= رجاجيلاً يفكّون المنيع
وللضيفان مرباع وربيع= ويتقدم طلايعنا شجّيع
تميّز بالذكاء والعبقرية=
وابو سامي خلف عن والده = رجل للجد شمّر ساعده
وفي كل المواقف تاجده= وله مبدا وكلمة واحدة
وابوه الشيخ ساري بن عطية=
تسلم منصب الشيخة وكاد= بعد ماصار في الدعوى عناد
ولكن بعد جداً واجتهاد = تسلم ختم وخطاب اعتماد
مصدّق من وزير الداخلية=
ويلزمنا نقل في ذالمقام = حسب ما يقتضيه الاحترام
ترى ياشيخ للشيخة مهام= ولا يعقل تهنى بالمنام
وبين اثنين منا مكرهية=
من الواجب على الشيخ الشجاع = يحث القوم في كل اجتماع
على فض الخصومة والنزاع = ومن يسعى لتاجيج الصراع
عسى الله لا يبقّي له بقية=
اخذ راي الحكيم امن الرجال= ليا طال المناقش والجدال
وخلك حازماً في كل حال = وراسي مثلما ترسي الجبال
ولا تسمع لمطفوقاً وعيّة=
يدار الشور من روس الكبار= رجالاً يوم يبدون الحوار
يجي في شورهم قولاً قرار= ومن يمشي على عكس المسار
بيلقى الدرب قدامه عنيّة=
ولا نبغى نعيد ولا نزيد= وبيّنا لك القول المفيد
واذا تبغى الكلام اللي وكيد= ترانا يبن ساري مانريد
سوا حكم العدالة والسوية=
لكّنك يابن ساري قدها = وبالفعل انت ابوها وجدها
لذا مد الحبال وشدها = بشي امن الشجاعة والدها
ليا جاء للدعاوي دعوجية=
ويوجد من قبيلتنا شباب= على حد الوطن مثل الذياب
بن عطيوي ولا ننسى شهاب= ويانعمين بالروس الصلاب
ثنيناً كل واحد عن سرية=
وفيه احرار لا زالت تذود= على حد الوطن مثل الاسود
مثالاً للشجاعة والصمود =واذا ناش الخصيم ارض الحدود
تصدّوله بقوة عسكرية=
تحت ضل السلاطين الملوّك= ولاة عدول مافيهم شكوّك
ملوكاً ياوطنا قد حموك =من الحد الجنوبي لا تبوّك
ومن عرعر ليا خبت الحوية=
واذا دقت طبول المعركة = نقف من دون حد المملكة
ومن جاء بالكذب والفبركة = مصيره للتلف والمهلكة
عقوبة كل طغمة خارجية=
وجيش المملكة يحمي البلاد= بالاعداد الغفيرة والعتاد
والاصبع دايما فوق الزناد = ونقدر بإذن خلاق العباد
على دحر الجيوش الفارسية=
وكل مواطناً صوته صدح = بعد ما انسر صدره وانشرح
وبارود الولاء زنده قدّح = وهذا من علامات الفرح
تلاحم شعب ماهي عنصرية=
وارد القول في ربعي بعد = ليوث الغاب وطيور السعد
رجالاً ما يخلفون الوعد = لهم صوتاً كم حس الرعد
ليا هلت هماليل النشية=
ومن بحري ليا ارواع الشقر= ومن كياد لرويع البقر
حدوداً من تعداها انعقر = وكل حيداً على راسه صقر
حماة الدار مصباح وعشية=
وحيد الصار وارواع القهب = وحِدا والقواري والثغب
ولا نحسب حساب اطلق شنب= لو ان الدم ياصل للركب
وفي كل القراء يسمع نعية=
وبالمنطوق والقول الصدوق= اذا نشبت حلوقاً في حلوق
ابد ما نرتضي هضم الحقوق= ولا نرضى على العالم زهوق
ولا نرضى عليهم محقرية=
ولكن لعتدو قلنا خلاص= ترى ما عندنا غير الرصاص
وراعي المخطية ماله مناص = لو انه من ورا حيد النماص
زحفنا له ونثرنا دميّه=
ومن وادي صويق اليا حجن = تحاضي به عفاريتاً وجن
وازاويلاً كما ازوال الهجن = على ذاك القراء يدار جن
تعاقب بين روحاتاً وجية=
وقرية حلباء داراً لنا= حموها اجدادنا من قبلنا
وخصم الدار يعرف فعلنا = ونفنى والعدو ما احتلنا
ودون اعدودنا تقصر دليه=
وكم قلبي تضايق وانزعج= ليا شفت الكظامة والفلج
اراضٍ دونها راحت مهج =تقل ما كن احد فيها درج
ولا ساق البلاد المسقوية=
ولا شفت المقاري الحصون= ذرفت امن الحزن دمع العيون
على اللي كانو ابها يسكنون=غدوا واضحو عن الدنيا ضعون
وشاهدنا منازلهم خلية=
وسدر الوشعة الفيحاء حموه= رجالاً كل متعرض رموه
وكم خصماً على الحد ارغموه = وراحوا له بداره واهزموه
وذيك الواقعة صارت روية=
وذا شياً حدث في ما مضى = بوقتاً ضاق به حتى الفضا
لكن اليوم قد عم الرضا = ومن يخطي يحوّل للقضا
ويتجازى على فعل الخطية=
وفي ضل الشريعة والنظام= تبيّن لنا الحلال امن الحرام
وزال الجهل وانباج الضلام= وساد الامن واخترنا السلام
وصار الكل في عيشة هنية=
وارد القول مرة ثانية = حسب ما تقتضي القيفانية
بيوتاً ندراً وسمانية = كما ازهاراً من البستانية
نقدمها لكم في مزهرية=
اقوله والمعاني واردات = كما فيض البحور المظلمات
معانيٍ واضحاتاً بينات = تكلم عن خطوباً واقعات
تخللها ضروفاً عايلية=
تحاصرني الحوادث والخطوب= تقفاها المصايب والكروب
واحن اوقات يصحاب الوجوب= كما حنة مواطير الجيوب
ليا لقت طلوع العاصدية=
واشيل هموم وحمولاً ثقال = حمولاً ما تحملها الجمال
وذاك المنهل العذب الزلال =نضب وابطت هماليل الخيال
والارض الخصب صارت جرهدية=
وضني خاب حتى في الرفيق= وبيّن لي عدوي والصديق
وشان الحظ وانسد الطريق= وجض القلب من هماً وضيق
والارض الواسعة ضاقت علية=
واعز الاصدقاء بيّن رداه= وبين الناس بيّن لي عداه
وانا اللي كنت اقول انا فداه = ويوماً ينتخي واسمع نداه
اقف دونه بما تملك يدية=
ومن عامين ما شفت ابتهاج= يباريني القلق والانزعاج
ولايوماً صفا فيها المزاج = وللعلات ابيت القى علاج
وحتى عند راعي الصيدلية=
وضاقت بي فجوج المغربين= واعيش اليوم في غماً وبين
تقل مطعون بين المنكبين= بسلة نافعي يالطيبين
تقفتها رصاصة بندقية=
واذا القيت الجسم فوق الفراش= غدن هموم قلبي في هواش
وبان الصبح ما انفض النقاش= واصاب القلب قبضة وانكماش
وابت تنفع علاجات الصحية=
وصرت اقول من كثر الفتن = هني اللي مكفن في الكفن
ولولا احبتي في ذا الوطن= لغادر موطني بيا ثمن
واهاجر للديار الاجنبية=
وون احيان من مابي واصيح = كما لوكنت متصوب جريح
تقل وسط الخلا الخالي طريح = وافوق اوقات ثم انهض واطيح
تقل ملدوغ من عقرب وحية=
وفي الوحدة وفي البعد ارتياح= بعيد عن المباغيظ القباح
وسجاتاً في البر البراح = مع انسام الهبايب والرياح
دواء للقلب والروح الشقية=
ويوم ارقى على الحيد النشيب = يروق البال والخاطر يطيب
ولا منه عوى ذيباً لذيب = اجاوب مثلها واقنب قنيب
على ذيك الشواهيق العلية=
سئمت امن البشر ومن الحياة = وهذا الوقت كشّر بلحياه
وباح العد والنضّاحيّاه = ويومن الحمى ما انبت حياه
على اول سايماً بعنا الرعية=
وشان الحال من كثر الديون= ولا نامن عيون النايمون
يلوح الفجر ما نمن الجفون = تقل مطعون ما بين المتون
بسلة سيف ولا نافعية=
وبعض الاصدقاء وقت الضروف= ليامن شافني عني يصوف
ويتعدى لعله للذلوف = كما لا وانه اعمى ما يشوف
أو أني شخص مجهول الهوية=
وبعبارة وكلمة محكمة = وقولاً كل مدرك يفهمه
واقل لهل العقول الملهمة = ابوي اوصاني الله يرحمه
ماخاوي صاحب النفس الدنيّة=
وانا عندي حصيلة تجربة = لو اكتبها تشكل مكتبة
وروح من السنين امهذبة = على حسم الامور امدربة
تعي كل العلوم المعرفية=
لئيم القوم لو عنده رصيد = وبيديه المزارع والحصيد
تحصل كل بيبانه وصيد = ولو هم يمدحونه بالقصيد
بوقت الجد ما يعطي وقية=
وراعي البخل معدوم العزوم= لو امواله كما بعض الحزوم
لو اقسم لك بالايمان الجزوم = ليا احتجته وجيته في لزوم
قفّل كل الخطوط الهاتفية=
وجيل اليوم ادارته الرحا = وضحى بالشوارب واللحى
سهر بالليل وينام الضحا = والا منه رقد ما عد صحا
لو ان الباب عنده مدفعية=
ودق اليوم ناقوس الخطر = والاسباب المعاصي والبطر
وابا ينزل على الناس المطر= وعالمنا تفرق وانشطر
وبتصير العواقب كارثية=
وفي الواقع تغيّر كل شي= وأمين القوم عوّد مرتشي
مع إن الصبح يقفاه العشي =وعيدان الحطب عيّت تشي
مع انسام الرياح الموسمية=
وشاهدنا الحوادث تستدير= لها حدا كما حد الشطير
بعد ما لوحظ الوضع الخطير= ولا ندري ونعلم وش يصير
بالاشهر والسنين المقبلية=
ومادام المرة قامت تسوق= ومشغولة بموضة كل سوق
تحزّو للفلك وقت الغسوق = وزيغ اهل الخلاعة والفسوق
وتصعيد القضايا الهامشية=
والاحداث ادلهمت ياصحاب =واقول اليوم والمنطق صواب
يلولا الخوف من صوت الغراب= لوريكم على بث السناب
مشاهد من فصول المسرحية=
وبه غافل مضيّع للفروض= شغل نفسه بالاسهم والقروض
وبالاسواق يرقب للعروض = وفي كل الامور اصبح يخوض
تقل عنده على العالم وصية=
وفي منهو يعيش ابلا هدف= مخالف منهجه نهج السلف
ولا عمره على القمة وقف = يبي عيش النعومة والترف
وللمسجد خطآواته بطية=
واحد نماك ويحب الهياط = وقدره فاح من زود الشياط
وللضيفان ما مد البساط = ولا له بالنواميس ارتباط
قليل احسان وعزومه ونيّة=
وازيد القول في هذا النشيد =واخاطب كل ذي عقلا رشيد
عسى كلا بمنطوقي يشيد=وراعي الحصن والقصر المشيد
يجي للقول عنده قابلية=
اباصور لكم يالغانمين=مشاهد من حياة الاولين
حياة الطيبين الراحلين=رجالا في المقابر نازلين
يعيشون الحياة البرزخية=
رجالاً تحمل قلوباً نظاف= لو إنه بينهم يحصل خلاف
وكل واحد على الثاني يخاف=ويلقى اللافي ادلال وصحاف
وقول ارحب وضيفة حاتمية=
تجد ما في ضمايرهم حسد= ولا واحد على الثاني حقد
واحدهم لاشكى ضيق وكبد= لقا من لابته درع وسند
ونسّوه العوّز والمعسرية=
وكانوا كلهم متكاتفين =وفي كل المواقف واقفين
وللمظلوم دايم منصفين= ولا في قلوبهم حقداً دفين
ولا يوم اضمروا شراً واذيّة=
وكان الاخ ياقف دون اخوه= وعند الجد اذا ربعه نخوه
قضا اللازم وفعله تورخوه = فذاك الشخص لو هم شيخوه
فهو يستاهل الشيخة هدية=
وتمت والبيوت امغلفة = وبسجل القصيد امصنّفة
وبستان المعاني نقطفه = ولا يعجز غزير المعرفة
ليا اعطاه الولي نفساً ذكيّة=
وصلى الله على صفوة قريش= عدد ما رفرف الطاير بريش
ومن يحيى على الارض ويعيش = نبياً كان له دولة وجيش
عليه ازكى الصلوات الزكية=
جندب المالكي=


 
 توقيع : جندب المالكي



رد مع اقتباس
قديم منذ أسبوع واحد   #2


الصورة الرمزية aloliv
aloliv غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Jun 2012
 أخر زيارة : 05-05-2019 (11:41 PM)
 المشاركات : 5,157 [ + ]
 التقييم :  1110
 الدولهـ
Saudi Arabia
 الجنس ~
Male
لوني المفضل : Cadetblue
افتراضي



شكراً جزيلاً لموضوعك يا جندب المالكي...
دائما متميز في الانتقاء
سلمت على روعه طرحك
ربي يعطيك ألــــــف عـآفيه
الله يسعد قلبك يآرب
دمت بخير


 

رد مع اقتباس
قديم منذ أسبوع واحد   #3


الصورة الرمزية ابوخالد
ابوخالد غير متواجد حالياً

بيانات اضافيه [ + ]
 رقم العضوية : 3
 تاريخ التسجيل :  Jun 2012
 أخر زيارة : منذ 2 يوم (12:56 PM)
 المشاركات : 56,534 [ + ]
 التقييم :  17763
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Crimson
افتراضي



ألأخ الغالي الشاعر الكبير/ جندب المالكي ابو عبدالرحمن
أولاً ارحب بك أجمل ترحيب حللت اهلاً ووطأت سهلاً
مرحبا ملاييين ولايكفون
تشرفنا بوجودك وحضورك هذا اليوم في منتدى الوليف
والذي أنت من أحد أركانه وأعمدته الاساسيه
فياهلاوغلا

وصح لسانك مدد بلا عدد على هذه المصافحه الفاخره والمميزه
سطرت لنا جمال الابيات وجمال الكلمة وهذا ليس غريب عليك
طاب لي ما قرأت هُنا وأستمتعت كثيراً بهذا الجمال والأبداع الراقي
أشكرك من الاعماق
وتستاهل التقييم+التميز


 
 توقيع : ابوخالد



رد مع اقتباس
قديم منذ أسبوع واحد   #4


الصورة الرمزية عبدالله العمري
عبدالله العمري غير متواجد حالياً

بيانات اضافيه [ + ]
 رقم العضوية : 89
 تاريخ التسجيل :  Oct 2012
 أخر زيارة : منذ أسبوع واحد (10:08 AM)
 المشاركات : 4,399 [ + ]
 التقييم :  504
 الدولهـ
Saudi Arabia
 الجنس ~
Male
لوني المفضل : Darkmagenta
افتراضي



كل بيت اجمل من اللي قبلة من الآخر ابداع منقطع النظيييير
بيض االله وجهك _____وصح لسااااانك


 

رد مع اقتباس
قديم منذ أسبوع واحد   #5


الصورة الرمزية ابوشهد
ابوشهد غير متواجد حالياً

بيانات اضافيه [ + ]
 رقم العضوية : 980
 تاريخ التسجيل :  Feb 2017
 أخر زيارة : منذ أسبوع واحد (05:14 AM)
 المشاركات : 95 [ + ]
 التقييم :  50
لوني المفضل : Cadetblue
افتراضي



ماشاء الله تبارك الله
ماأجملها من نشيد وما اجملها من كلمات

صح لسانك وعلا شانك شاعرنا جندب المالكي


 

رد مع اقتباس
قديم منذ أسبوع واحد   #6


الصورة الرمزية راكان
راكان غير متواجد حالياً

بيانات اضافيه [ + ]
 رقم العضوية : 1027
 تاريخ التسجيل :  May 2017
 أخر زيارة : منذ أسبوع واحد (11:34 AM)
 المشاركات : 142 [ + ]
 التقييم :  50
لوني المفضل : Cadetblue
افتراضي



صح لسانك على هذا الابدااااع


 

رد مع اقتباس
قديم منذ يوم مضى   #7


الصورة الرمزية أبو رهام
أبو رهام غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Jun 2012
 أخر زيارة : منذ يوم مضى (10:01 AM)
 المشاركات : 13,867 [ + ]
 التقييم :  4439
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Cadetblue
افتراضي



الله الله الله
صح الله لسانك يبو عبدالرحمن
أبدعت يالجزل أقف إحترام لحرفك
لا تحرمنا من جديدك
كل التحايا


 

رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

Forum Jump

المواضيع المتشابهه
الموضوع كاتب الموضوع المنتدى مشاركات آخر مشاركة
ياذا الجلال اللي عروشك فوق واملاكك حدر طلال ♣ مجلس القصائد المنقولة ♣ 7 06-19-2016 06:05 PM
ديوان الشاعرحوقان المالكي رحمه الله ابوخالد ♣ مجلس العرضةَ الجنوبية ♣ 4 03-02-2015 11:47 PM
يالله في سترك يدوم محمد القشوعي ♣ مجلس العرضةَ الجنوبية ♣ 2 06-22-2014 03:40 PM
يالله يالله يارحمن ياوالي ابوخالد ♣مجالس مكتبة أعذب الأصوات♣ 14 06-02-2014 03:39 AM
روح ترى الاول تحول يالله بس عطني قفــــــاك ابونايف ♣ مجلس القصائد المنقولة ♣ 10 02-02-2014 10:17 PM

Ads Organizer 3.0.3 by Analytics - Distance Education

Loading...


[[ جميع المشاركات المكتوبة تعبّر عن وجهة نظر صاحبها .. ولا تعبّر بأي شكل من الأشكال عن وجهة نظر إدارة المنتدى  ]]